Benvenite! Ecce le sito del Union Norvegian pro Interlingua.

Trolls


Novanor
Interlinguakurs
Mortens blog
Åsmunds blog
Trolls
Osir e Vanir
Juvenia
Ordbok
Mail Login
Dansk Union
Svensk
Internasjonal
St. Matheo
St. Marco
Declaration


Le pueros qui incontrava le trolls

in le silvas de Hedalen.


In Vågå in Gudbrandsdalen (Valle de Gudbrand) in dies passate, il era un homine e su marita qui esseva ver povre. Illes habeva plure infantes, e duo de lor filios, qui esseva adolescentes debeva ir e venir in le vicinitate e al extero e precar e mendicar pro superviver. Dunque illes ben sapeva omne vias e sentieros , e anque le via directissime a Hedalen (Valle Alte).

Un vice, illes decideva ir la. Ma illes habeva audite que un trappator de falcones habeva erigite un cabana in Mela, e illes desireva vider le aves e apprender como trappar los.

Assi illes seligeva le sentiero trans le mariscos longe. Ma il esseva tarde in le autumno e le feminas qui gregava le vaccas in le montanias habeva retornate a lor fermas in le valles. Assi illes non pote obtener ni albergo ni alimento.

Dunque illes prendeva le cammino direct a Hedalen. Ma le cammino esseva stricte e pauco clar, e in le crepusculo del vespere, illes se disviava, e illes non trovava le cabana del trappator. Subito illes se trovava in le obscura del silva a Bjolstad. Quando illes comprendeva que il esseva impossibile continuar tra le silva in la tenebras, illes colligeva brancas e folios pro facer un albergo primitive pro le nocte. E con ericas e musco pro lecto illes se addormiva.

Subito illes se eveliava. Aliqua esseres aspirava e murmurava. Le pueros prestava attention e ascoltava. Esque il esseva animales o trolles? E alora un voce:

”Io senti le odor del sanguine de homines christian!”

E ora le terra tremeva, e le pueros comprendeva que le esseres  esseva trolles.

”Que Deo nos adjuta, que facer ora?” le puero minor diceva a su fratre.

” Sta sub le arbore la, e sia preste a prender le duo saccos e currer a in al silva quando tu vide los apparer. Io prende nostre hacha.” le altere respondeva.

In le mesme momento illes videva le trolles approchar, e le trolles esseva si grande e enorme que lor capites esseva al altitude del summitates del arbores. Ma illes possedeva in commun sol un oculo. E illes cambiava inter se a posseder iste oculo. Illes habeva un cavo in lor  capites, ubi illes poneva le oculo. Illes le dirigeva con le mano. Le un qui guidava le alteres debeva esser le un qui lo utilisava, e le alteres ille sequeva e teneva le mano de un precedente.

”Curre!” diceva le grande fratre. ”Ma non va plus lontan! Observa como il se disveloppa. Illes porta le oculo  si elevate que illes non pote me vider si io les approcha a retro.”

E le fratre minor curreva ante le trolls, e los le sequeva. Le fratre grande sequeva le trolls e secava le ultime troll con su hacha. Le troll criava, e le troll in le fronte habeva terror e saltava e perdeva lor oculo. E le puero le attrapava. Le oculo esseva si grande como un platto, e si clar que non obstante il esseva nocte e obscur, on pote vider in le oculo como in le lumine del medie die.

Quando le trolles comprendeva que ille ha prendite su oculo, e que ille ha secate le un, illes reprimendava le pueros, los malediceva e los menaciava, dicente le mal illes va colpar si le pueros non retornerea le oculo.

”Io ni time trolls ni maledictiones” le grande puero diceva. ”Ora io ha tres oculos, e vos non ha un, e duo de vos debe portar le tertie.”

”Si nos non recipe nostre oculo immediatemente, tu essera cambiate a ligno e petra!” criava le trolls.

Ma le puero manteneva que il non habeva haste. Ille timeva ni fanfaronas ni trolls.

Si illes le non lassa haber pace, ille los va facer reper al terra como vermes e reptiles. Quando le trolles ce ascoltava illes habeva terror, e illes commenciava parlar suavemente. Si ille va retornar le oculo le trolles va les donar auro e argento e qualque cosas illes desireva.

Le puero considerava le offerta acceptabile, ma ille insisteva a haber le auro e le argento ante retornar le oculo. Si un de le trolles retornara a lor montania pro reportar auro e argento  a plenar lor saccos e anque duo arcos de ferro, le pueros va retornar lor oculo. Ma ille non los le voleva retornar previemente.

Le trolles se plangeva e querelava, e illes manteneva que illes non pote retornar al casa proque illes non ha le oculo pro vider le via. Ma un del trolles commenciava criar a lor marita, proque illes habeva un marita insimul. E un voce cria un responsa de un montania al nord. Le trolles cria que illa debe portar duo situlas con auro e argento e anque duo arcos de ferro, e illa arrivarea prompte, immediatemente.

Quando illa audiva ce que ha evenite, illa commenciava maledicer e menaciar le pueros e voleva usar trollemagia contra les.

Ma le trolles habeva terror e precava que illa se calmarea. Si non, illes timeva que le pueros pote prender anque su oculo. Alora illa jectava le situlas con auro e argento e le duo arcos de ferro al pueros e curreva al montania con su tres trolles. E post iste tempore non ha audite que le trolles in le silvas de Hedalen ha aspirate pro sentir le odor del sanguine de homines christian.

 


 

Send e-post med spørsmål om interlingua til info@interlingua.no

Pagina principal